cesarean section (MCH)

دا اخر وورد لي في المستشفى :(

صراحة كان مررررررة ممل اي دونت نو !!

كنت نادرا ما القى بيشنت اتفلسف عليها واديها معلومات :( بس ع العموم الوورد كلو زي بعض المرضى كنت اقولهم نفس الكلام

انا وريم عملنا شوية نصايح لهم وطبعناها وسرنا كل ما ندخل على الحرمة نديها الورقة

وازا تبو تحملوها وتطبعوها وتوزعوها على الناس خدوها من

هنا

كان في القسم حضانة صراحة اكره البزورة كنت اعدي من جنبهم ونفسي اقتلهم ويوم من الايام كان في وحدة بس يبكي ما ادري اشبو وانا قولت للنيرس ابى ادخل بس احسبن في وجهو واخرج هههههه صراحة مررررة كان مزعج .... المهم دخلتني النيرس ولمن شوفت النونو مشاعري اتلخبطت كان محتاج امو او اي احد يحضنو بس ع العموم بس سرت اعدي من جنب الحضانة بعد كدا واضحك ترا شعور غريب اول مرة احس بيلو :*

الوورد كانت ماسكتو استاذة زينب (كانت تقولي قبل ما تطلعي تمري علي ولمن تخرجي تمري علي وما تخرجي من المستشفى الا لمن تقوليلي !!) ما ادري ليش ؟

المهم اعملو زي ما تقول .. الاحصائية عندها مرررة شي مهم ومقدس

من وجهة نظري دا القسم قبل لا تدخلوا له حاولوا تقرو عن القهاوي اللي يعملوها للحريم النفاس (قهوة قشر,نانخة,الخزعبلات دي كولها)

لانو كتيير كانو بيسألو ؟!

وانا ما كنت اعرف فحاولوا تبحثوا وتعملوها في ورقة واطبعوها للمرضى ويعتبر صدقة جارية يستفيدوا منها الناس

ولا تنسوا اللي تبحث عن دي الاشياء تقولي بإيش طلعت عشان ابى اعرف صراحة :) ما عندي اي خبرة بخصوص اكل النفاس هههههه :))

بس حابة اتعلم

كمان في دا القسم صح هو ممل بس ترا تقدري تزبطي وضعك بإنك تتكلمي مع المريضة عن الرضاعة وتجلسي توعيها وتقوليلها ايش فايدتها ...ترا مهمتك انك تقنعي الام لا تقولي مو شغلي ( برا في الدول التانية الرضاعة من مهام الدايتشن)

كمان الوورد محتاج اوراق او مطويات عن الرضاعة حاولو تعملوها بطريقة جذابة وتوزعوها على المرضى :)