برزنتيشن مستشفى الولادة (اجدد بحث في علم السكري)

اخر يوم كان لنا انو نعمل بريزنتيشن عن اي حاجة بس طبعا تكون طبية

المهم انا مررررررة كنت محتارة بخصوص الموضوع اللي حتكلم عنو !

وسبحان الله جاني الالهام ولقيت موضوع مرة عجبني وفي نفس الوقت جديد وحبيت يكون عندكم خبرة بخصوصه

على فكرة حضرتلنا في يوم البريزنتيشن دكتورة مرفت :)

صراحة انفجعت لمن شوفتها ههههه :))

بس كانت تعليقاتها حلوة وعلمتنا كدا شي الله يسعدها دنيا واخرة

---

المهم موضوعي كان عن

the biological cure of diabetes

approved from Harvard uni

it's done by douglas melton researcher

دي فكرة بس بسيطة عشان يكون عندكم معلومات بخصوص الموضوع اللي عمل البحث هو دكتور دوقلاس ميلتون دي صورته

طبعا هو بدأ البحث قبل 20 سنة تقريب الشي اللي خلاه يعمل البحث الجبار دا انو عندو ولد اصيب بمرض DM1 وطبعا هو ما جلس يدعي انو ربنا يشفي ولدو وبس ! زي حال البعض لا هو قرر يشفي اولاد الناس وكمان ولده ( حتى جاتو بنت كمان اصيبت بـDM1 )

فكرة البحث انهم يحولو الخلايا الجذعية الى خلايا بيتا ( خلايا منتجة للانسولين)

الخلايا الجذعية طبعا ممكن تجي من الحبل السري او نخاع العظم

( في امريكا في مراكز فقط لخلايا الجذعية يعني ساروا اول ما يولد الطفل ياخدو الحبل السري ويخلوه عندهم في المراكز عشان لو الطفل دا في يوم من الايام اصيب بأي مرض ممكن يكون علاجه عن طريق الخلايا الجذعية حقتو) دا شي مرررة جميل يا ريت يسير عندنا

طبعا البحث اتعمل على الفيران فقط بس ما اتعمل على البني ادمين لسا راح يعملوا في شهر 6 في 2015 وحيستمر لمدة ثلاث سنوات

ونفس جامعة هارفارد صرحت انو كل الابحاص اللي طلعت عن علاج السكري ما كانت علاج حقيقي كانت كولها تتكلم عن الكونترول او الادوية لكن دا البحث الوحيد اللي يتكلمم عن علاج حقيقي

ان شاء الله العلاج دا يكون هو الحل لمرضى السكري ويارب تشفي كل المرضى :)

ازا حابين تقرو عن البحث اكتر هو موجود على دا الرابط وكمان معتمد من

DIABETES RESEARCH INSTITUTE

http://hsci.harvard.edu/diabetes-0