رأيي في مستشفى الولادة ..

اهلين بنات دفعة سنة رابع

ان شاء الله تكونو بصحة وعافية

دا الموضوع لكم

انا في تقييمي للمستشفى اهتم بــ هل انا اتعلمت من دا المستشفى او لا ؟

دا اهم شي خلو في بالكم ..

لا يهمكم المبنى او فين حتجلسوا او او ..

ترا فترة الامتياز فترة جدا مهمة انكم تتعلموا

---

مستشفى الولادة والاطفال

طبعا المبنى جدا جميل ومريح وشِرح وجديد ( دا الشي مهم للي تحب النظافة )

الدايتشن جيدين ماشاء الله وفي ناس منهم مطلعين على الابحاث الجديدة ( حتنبسطوا معاهم ) اتعلمت منهم كتير

طبعا نظام التدريب عندهم كل اسبوعين راح تكونو في ward جديد

المستشفى منقسم لقسمين قسم النساء وقسم للأطفال

اقسام المستشفى :

النساء >>

قسم الحوامل

قسم القيصريات

عيادة النسائية

باطنية

ــــــــــــــــ

الأطفال >>

قسم الباطنية

عيادة اطفال

Pediatric ICU

Neonate ICU

جراحة اطفال

---

طبعا من احلى الاقسام عيادة النسائية وعيادة الاطفال و باطنة اطفال

باقي الاقسام مملة نوعا ما

---

هل انصح بإنكم تاخدو دا المستشفى في الامتياز ؟

طبعا نعم

لأن حتتعلموا في العيادة كيف تتكلموا مع المريض جدا مفيد للي حابة شغل العيادة سواء اطفال او نساء

(انا جداً استفدت .. اخدت خبرة كبيرة في العيادة )

بس دا الشي المفيد ؟

طبعا باقي الاقسام مفيدة زي باطنية الاطفال جدا جميل

في اقسام مملة جدا

بس في نفس الوقت المستشفى مليان حالات يعني ما راح تتفشوا كل يوم حتجيكم حالات جديدة

ايش الشي اللي في مستشفى الولادة موجود ومو موجود في باقي مستشفيات مكة؟

طبعا حالات metabolic disorder حتلقوها في دا المستشفى

صح الحالات تكاد تكون نادرة مو مرة كتير بس حلو انكم تشوفوا شي زي كدا

هل اتعلمتِ من المستشفى وهل تنصحينا انو نضيع ٤ شهور عشانه ؟

نعم انصح يعني ماراح تندموا ابدا انكم حتدربوا فيلو

طبعا انا اعشق دا المستشفى ما ادري صراحة ليش بس حسيت براحة نفسية فيه

(شهادتي مجروحة فيه)

وأي سؤال انا موجودة سواء على الواتساب او هنا او الاسك merryam16

والله يوفقنا اجمعين