ICU ward Al-Noor Specialist Hospital
- MARAM FADHEL
- Apr 18, 2015
- 2 min read
السلام عليكم كيف الحال ؟؟
طبعا دي اخر روتا استغلوها واتعلموا بعد كدا احنا راح نعلم ما نتعلم حنشيل مسؤولية كبيرة جدا حنكون موظفات والخطأ غير مقبول ...
انا حاليا في مستشفى النور صراحة مستشفى قوي في التعليم
عجبني جدا انو كلهم بيمشو على قايدلاين مافي حاجة شختك بختك
(دا اهم شي بالنسبة لي )
قسم ICU
صراحة انا دخلت وما اعرف NGT ابدا ولا حاجة حالة وحدة مسكتها فقط ايام الولادة ولا فهمتها مزبوط
بس اسبوع واحد في النور تعلمت كل الNGT والفورمولا
والدليل البوستات السابقة
اللي ماسكة القسم دايتشن كويسة بس شوية عصبية (تراني اكتب وانا خايفة اخاف اتهزأ منهاههههه)
المهم ما عليكم منها هي تبين للشخص انو هو مو فاهم حاجة بس مررررة عادي
طوووووول الوقت اسألوها عن كل شي ولا تستحوا حتى لو استحقرت سؤالكم
كل ما أسأالها عن شي تقولي ابحثي وبوكرة ناقشيني وفعلا اسلوبها علمني جدا رغم انها شديدة بس ماراح انسى لها دا الفضل طول عمري
في البداية كنت اقول اشبها دي ؟؟؟!!!
بس بعدين علمتني حاجات ماكنت حتعلمها ابدا
الحلو فيها انها تدي معلومات جديدة عليكم يعني حاجات ما قيد درسناها ولا تخطر على البال
البوستين السابقة كلها بفضلها
في ICU
- عادي تبكو حالات جدا تحزن بس افتكروا الدنيا وزوالها وافتكروا الجنة والنار
- انصحكم كل ماشوفتوا مرافقين تدعولهم بالسلامة بخروج اهلهم ترا لمن تقولي كلمة زي كدا لشخص محتاج ممكن يدعيلك
- مرضى ICU عادي ممكن ياكلوا اكل سوفت او نورمال او ليكويد مو بس انترال نوتريشن
- مرضى ICU عادي ممكن يكونو صاححين مو شرط كولهم نايمين مع انو في حالات يكونو في غيبوبة لفترة طويلة والاهل ينتظروا بس انه يفتح المريض عيونه
- القسم دا غير في اشياء كتير جدا ... صراححة اكتب وانا ابكي فعلا الدنيا تافهة ومالها داعي
(نصيحة مني: لمن نموت ما في شي حيشفعلنا غير علم ينتفع به وولد صالح وصدقة جارية) حاولوا تعملوا اي شي من دي التلاتة ما ندري متى نموت
بعض المواقع اللي ادتني هي دايتشن رهام الله يسعدها ويحنن قلبها :( مررررة مفيدة
Comments