مستشفى حرااااء (السجن)

انا ما اكلمكم يا بنات الدفعة اكلم الدفعة اللي بعدنا 😅 😅

البنت اللي تبى تنام وتلعب عادي تروح مستشفى حراء

لكن اللي نشيطة وحركة وتحب الشغل انصحها ما تروح حراء

صراحة المستشفى ماخد الجودة وكويس حتى الدايتشن مرررة اخلاق وكويسين بس المشكلة في المستشفى

لأنو مافيها حالات ابدا يعني انا قعدت ٤ شهور كل الحالات سكر وضغط وسمنة مرة وحدة عدت علي حالة قلب ومرة وحدة ع

عدت علي حالة كلى وكمان ما مسكتهم لحالي مسكتها الدايتشن معايا

مو تروحو لفراس وتقولو ما نبى حراء وتعملوا مشاكل لا عادي ارضوا باللي يجيكم بس انا قصدي لو في فرصة انكم تبدلو من حراء افضل ولو ما قدرتوا عادي حتكون تجربة لكم جربوها عشان يكون عندكم خبرة

* متى انصحكم تاخدوا حراء ؟

الفترة الاخيرة من التدريب لانو وقتها يكون اجازة ومالك خلق وحيدخل عليكي رمضان ( في دي الحالة انصح بحراء)

بس اللي عندها واسطة وتقدر تمشي من حراء خليها تستخدم واسطتها

(مع اني انسانة ضد الواسطات بالمرة بس في حراء حلوة الواسطة😂😂)

ميزات المستشفى:

١- الدايتشن اخلاق ومافي مشاكل منهم 👍

٢- المستشفى ماخد الجودة ( مدري على ايه) 👀

٣-حلو في الاجازات يدوكم اجازات مع المدارس (دا مو في كل مستشفى)

٤- اللي حامل مررة ينفعلها المستشفى لانو مافي شغل 💀

عيوب المستشفى:

١-مافي حالات كريتيكال مرة كولها ضغط وسكر واشياء بسيطة

٢- زيك زي الجدار محد يطالع في ورقتك ولا احد يمشي على كلامك

٣- الجودة مجننه المستشفى كل شي بنظام

٤-الغرفة اللي تجلسوا فيها داخل المطبخ 💩 ممكن تتغير الغرفة بس حطو دا في بالكم

٥- ممكن يعدي عليكي يوم كامل ما تاخدي ولا حالة لانو مافي مرضى

٦- ما انصح انكم تاخدوا الفترة الاولى ابدا لانو تكونو متحمسين وفجأة تدخلوا مستشفى غبي يحطمكم

طيب ايش تنصحينا نعمل لمن نروح حراء ؟؟

لا تجلسوا تتحلطموا (اوكي اتحلطموا في البداية هههه ) بس بعد كدا خلاص على طول اشتغلوا على نفسكم

مثلا انا في فترة حراء خلصت 18 كتاب قرأتهم منهم روايات وهبالات بس مو مشكلة اهم شي ما نضيع الوقت

ككمان خليت يومين في الاسبوع ابحث واقرأ فيهم عن التغذية والمواضيع والابحاث الجديدة

حتى لمن روحت النور كان عندي خلفية كبيرة عن التغذية اللي قرأت عنها في مستشفى حراء

يعني صح حراء كان سجن بالنسبة لي بس استفدت منه لبناء نفسي ومعلوماتي حتى كنت اذاكر فيسيولوجي (لاني غبية في هذه المادة)

وبعدين في نظري الشخص الايجابي حتى لو اتحط في بيئة كسولة زي حراء راح يبدع

الابداع والشطارة مالها محل سواء حراء او النور

اخيرا وليس اخرا

انا بس حبيت افيدكم

واتمنى لكم التوفيق

والموضوع في الاول والاخير القناعة اقنعوا باللي يجيكم