نصيحة من قلب + PICU

طبعا انا خلصت البيكو من زمان بس مالقيت وقت اكتب اعذروني ..

البيكو صراحة ما كان فيلو شي مرة واو حسيتو عادي مدري ليش مالو هيبة بس كنت خايفة منو واكتشفت انو استهبال بس في نفس الوقت مسؤولية

طبعا دايتشن امنية مرغلاني مررررررررررررررررررررررة كويسة ورهيبة ومرررررررة استفدت منها مو بس في الشغل حتى في الحياة اليومية كانت تجلس معانا وتقولنا على بعض الامراض

نصيحة من قلب :

دايما خلو هدفكم تتعلمو مو بس تروحو المستشفى توقعو دخول وخروج وترجعو البيت تكملو نوم !!

صح احنا اتخرجنا بس دحين احنا في اصعب مرحلة لازم نعمل ابديت لكل المعلومات التغذوية (خصوصا قسمنا مرررررة مهم انو نحدث المعلومات )

واقرب مثال انو لاااازم نعمل ابديت زي مثلا اول مادخلنا الجامعة كنا ندرس انو البيض فيلو كوليسترول وعلى اخر سنة اظن طلعت دراسات انو البيض ما يرفع الكوليسترول )

يعني شي مرررة يفشل لمن تقولي لمريضة البيض مضر وفيلو كوليسترول Bla Bla Bla وتجي المريضة تقولك البيض ما يرفع الكوليسترول !! بالله مو حيبان شكلك غبي وما عندك ما عند جدتك ههههه

يعني مثلا يوم روحتي الدوام وما جاتك حالات ولقيتي نفسك فاضية اجلسي دوري على اي مرض وابحثي عنو افتحي مثلا WHO شوفي مثلا الأوبئة الجديدة زي ايبولا ايش هرجتو كيف صار وكدا يعني او اقري كتاب تغذية بس بالله مو الكتاب الموف البوكت خلاص دا صرت اقرف منو ...

(اعتبرو كلامي فلسفة ,فزلكة , هبل , اللي تحبو المهم دي نصيحة خرجت من قلب )

استغلوا وقتكم في انو تتعلمو احنا لسا في مرحلة تعلم مهمة

والناس الي مررررة ما تبى تتعلم عادي لا تتعلمي بس في الاول والاخير انتي حرة بس واجب عليكي تثقفي الناس عن التغذية وتعالجيهم وما تقدري تعالجيهم اذا ما اتعلمت دي امانة انك تهتمي بالمريض لانو هو سلمك حياتو بعد الله صح محنا دكاترة بس في نفس الوقت بنهتم بالاكل اللي هو مستحيل يستغنى عنه الانسان)

فعلا مرررة ازعل او احزن او نفسي انصح البنات اللي خلاص معد يبو يتعلمو اوبس همهم النوم والاكل والمرعى وقلة الصنعة

..sweet dreams girls ..